忠記咖啡屋‧私房菜 (已結業)

有朋友食過介紹俾我試下，見星期日晚唔知食乜，帶埋阿媽黎試下，推介餐牌有二人餐，十分之好，唔需要諗太多，本來二人餐咁多野食，我以為份量應該唔大，所以隔外叫多樣餸，但點知佢係正常size，食唔哂，需要打包私房靚湯，無湯渣所以唔太清楚咩料，少少藥材味同應該係雞湯之類花雕醉鴨舌，酒味都幾出，因為我麻麻地鴨舌，食落d味其實唔錯，我媽媽就成碟食哂稻庭烏冬帶子，帶子大大隻，麻醬已經有芥辣喺入面，凍凍地酸酸辣辣醒下胃八寶生菜包，通常生菜包d味都好濃，但依碟就唔係，調味方面啱啱好唔咸但肉味醬料味好足，如果想重口味d仲有埋甜醬俾你加香橙江南小排骨，通常用生果做醬汁，d味都會有d假甜或人工味，但出奇地無，香橙味幾天然，所以食落唔味精，小排骨炸得都剛剛好隔外叫的太極扒時菜，一邊是肉鬆和瑤柱，一邊是魚蝦，兩邊都好足料配底的小白菜，送飯一洗食到尾，其實都食唔到糯米飯啦，只係試少少，但料同味道都唔錯，最後仲有紅豆沙食下，好滿足