男爵大排檔 (已結業)

如果唔係有人介紹，都唔知呢到係乜地方。因為都有七八個人，可以叫多幾味，記得嘅有:生魚片連湯:唔係好多地方有得食嘅家常菜，生魚片用西芹炒，火候剛好魚片夠鮮甜;個湯用芥菜滾但唔夠鮮味。老友鬼鬼:係蟹子墨魚滑饟油炸鬼，墨魚滑彈牙又夠甜，加上油炸鬼再炸到脆，口感一流，正。口水雞:有麻香而帶少少辣，雞肉夠雞味，絶對要試。沙薑雞:另一值得介紹菜式，好食。咖哩蟹:叫個陣話明冇肉蟹，但一場嚟到都即管試下。蟹身當然麻麻，但個咖哩汁就好味，辣味唔太濃但有好多其他香料嘅味道。白飯用砵仔蒸，我冇食唔知水準點但其他人話幾正；另外重叫咗幾個其他餸不過已經唔記得。雖然叫大排檔但地方尚算企理，有機會會再嚟。