翠河餐廳 (已結業)

今晚去奶奶屋企食飯，老人家唔願煮飯，所以通常都落街食，唔使佢哋咁辛苦，附近街坊餐廳，價錢唔貴又有卡位坐，幾十蚊有小菜、白飯、嘢飲或者例湯，乾手淨腳。之前裝修，幾個月後依家嚟食都仲幾乾淨，不過我覺得啲枱同埋座椅真係殘得好快，唔通同廿四小時有關？啲阿姐落order就真係好 slow, 點菜真係要好有耐性，如果唔係真係會火滾。梅菜扣肉真心好食，炆得好入味，入口軟腍，唔放幾條菜薦底，呢個價錢無得輸。西泠煎軟雞就麻麻哋啦！有啲後悔叫咗肉片炒烏冬，可能冷氣太勁，食嘅時候已經凍冰冰，同埋硬身，老人家唔鍾意食。不過都係果句，價錢好抵食。