亞萊泰 (黃大仙中心北館) (已搬遷) 新店位置

近近地唔想出咁遠，就去咗公司附近嘅黃大仙中心食晚餐。7點鐘嚟到，幾乎已經全場爆滿。一坐低店員已經好好招呼，雖然見佢哋忙過不停，難得嘅係店員仲會保持笑容，做嘢都好快手。率先登場嘅係海鹽炭燒盲鰽，一層厚厚既海鹽下，係啖啖鮮嫩香滑既魚肉。魚肉口感好，調味濃淡得宜，有淡淡的鹽味。芒果白糯米飯🍚嘅份量十足，兩至三個人分享就最適合不過。椰䊢香濃，芒果香甜唔酸。比起椰汁糕，我更鍾情於亞麻籽椰青糕，椰青高唔會太甜，係清新嘅味道，食落去冰涼透心。鹹魚炒芥蘭夠曬火喉，味道偏重偏咸，食落爽口。最後飲返碗椰汁雞湯，圓滿了。