影片
更多
2014-01-07
603 浏览
同朋友食完飯，諗住揾個地方坐下，食下甜品傾下計。朋友話lee間好出名，但要等好耐。心諗橫豎無地方去，咪等下lor。去到拎左飛，成30張，所以決定周圍行下先，30分鐘後返去睇下，仲有幾張就到，ok啦，等左個幾鐘到終於入到，成9點半啦。即刻order野先，見好多人叫鮮果茶，叫左一杯先，諗住share，但店員話最小一人一杯飲品，雖然知lee到咖啡出名，但太夜飲會訓唔到，而且佢個冰滴咖啡又賣曬，所以唯有叫多杯。好在，味道唔錯，小小酸，原來有話梅！仲有橙，熱情果，蘋果，青檸。講真就唔係好似茶啦，似果汁多d，其實可以拎走個茶包，大家都知茶包對增加茶味嘅作用大，而且仲要係凍飲，拎走美觀好多。一開始先到嘅拿破崙，不太甜，好脆，吉士有小小檸檬之類嘅酸味，唔會好膩，但2個人當甜品食就有d飽。友人唔好士多啤梨，所以揀左香蕉。窩夫夠熱夠脆，加雪糕食係絕配。好欣賞佢除左用新鮮香蕉之外仲加左香蕉乾，薄薄的，似係用風乾機風乾的，唔似一般加勁多糖的，抵讚至於個吉士，我本人覺得無咩味，如果係吉士醬可能仲好，即係食麵包布甸時會加嘅，味道應該幾夾。食物大致上ok，不過用黎做甜品的話份量就多左d,我地最終都放棄左2塊窩夫，
去到拎左飛，成30張，所以決定周圍行下先，30分鐘後返去睇下，仲有幾張就到，ok啦，等左個幾鐘到終於入到，成9點半啦。
即刻order野先，見好多人叫鮮果茶，叫左一杯先，諗住share，但店員話最小一人一杯飲品，雖然知lee到咖啡出名，但太夜飲會訓唔到，而且佢個冰滴咖啡又賣曬，所以唯有叫多杯。
好在，味道唔錯，小小酸，原來有話梅！仲有橙，熱情果，蘋果，青檸。講真就唔係好似茶啦，似果汁多d，其實可以拎走個茶包，大家都知茶包對增加茶味嘅作用大，而且仲要係凍飲，拎走美觀好多。
一開始先到嘅拿破崙，不太甜，好脆，吉士有小小檸檬之類嘅酸味，唔會好膩，但2個人當甜品食就有d飽。
友人唔好士多啤梨，所以揀左香蕉。窩夫夠熱夠脆，加雪糕食係絕配。好欣賞佢除左用新鮮香蕉之外仲加左香蕉乾，薄薄的，似係用風乾機風乾的，唔似一般加勁多糖的，抵讚
至於個吉士，我本人覺得無咩味，如果係吉士醬可能仲好，即係食麵包布甸時會加嘅，味道應該幾夾。
食物大致上ok，不過用黎做甜品的話份量就多左d,我地最終都放棄左2塊窩夫，飲曬成杯野已經好飽，真係無空間再放。
環境設計幾休閒feel,但太多人，要傾計的話要好大聲，而且佢地open kitchen,整沙冰時勁嘈！！所以想靜靜地的話可以唔洗諗lee到。
张贴
