小糖鈕甜品專門店 (已搬遷) 新店位置

食飽晚飯，朕特然想食甜品，但係又唔知食咩好，於是又叫我既貼身隨從同朕Check下，睇下有咩好食，於是就黎左小糖鈕。熱熱地，就梗係叫杯凍飲降降温啦，點知杯野一黎到，有煙既！！！我明明係叫凍飲架，呢個小二罪犯欺君，同我拖出去斬，點知我個貼身隨從同我解釋，呢個係乾冰既煙，杯野其實好凍架，朕一試又真係好凍喎！咁算啦放過佢啦！跟住佢就介紹左個甜品大拼盤俾朕試朕一見到個拼盤，X你個街！草菇黎既！菇都算甜品，拖個店小二出黎狗頭閘侍候，個小二出到黎又再解釋，嗰個菇菇，係用分子烹調法做出黎既，其實佢係用蛋白制成既，吓原來係咁，朕又再一次錯怪左佢，跟住佢就張成個拼盤長細解釋一次，當然呢啲野就梗係我既隨從聽就得啦，朕就梗係掛住食啦！店小二話佢地個餐牌會不停咁轉，朕希望下次黎可以食到（牛扒味既朱古力，或者朱古力味既牛扒啦）－－－－－完－－－－－