前門飯莊 (已結業)

青衣城今年既聖誕佈置係栢靈頓熊仔，所以專程黎影相。之前見到有朋友係度食北京填鴨唔錯所以諗住入黎試試。點知一叫要叫成隻，我地2個人食唔哂，所以無叫到，叫左個2人套餐。前菜雲耳好爽脆，紅棗我地都唔食，所以唔知咩味。雞絲粉皮，雞絲份量適中，唔會變左青瓜粉皮，麻醬都夠多好味。因為影相既時候有人話好肚餓催我快啲影，所以張相未對到焦粟米羹呢個夠熱辣辣，食完主菜先飲都仲熱。料夠多，不過粟米好多"衣"要成日吐番出黎，飲得不太暢快。小籠包本來想食蟹粉小籠包，但$108 4個太貴，所以食住呢個先。夠皮薄多汁，但豬肉乾左啲同太瘦，整體都唔錯，算係好食既小籠包。麻婆豆腐老公既最愛，我食左一羹，覺得好辣食唔到。老公初初食話甜，但食食下又幾好味，成碟佢包辨哂。叉子燒餅我鍾意食呢個，因為有得食又有得玩，餅夠脆同好香芝麻味，餡料都夠入味，份量仲岩岩好裝滿燒餅。豆沙鍋餅豆沙鍋餅係我唯一會食既紅豆，什麼紅豆沙、紅豆冰、豆沙餅我全部都唔食。呢度個皮炸到脆卜卜，紅豆又唔會太甜，好味。可惜我已經食到好飽，食唔哂。