上上拉麵小籠包 (已搬遷) 新店位置

中午食飯，唔多想坐ＦＯＯＤ　ＣＯＵＲＴ同人爭位，就入呢間鋪頭食小籠包，一食，好印象深刻，因為皮薄餡靚真係稱之無愧。佢唔單止可以個個包都裝滿汁，而且仲皮超滑超薄，肉都係滑既！好鮮味既感覺！另外仲叫左宮保雞丁，其實都好惹味，但我個人覺得多左Ｄ腰果，少Ｄ腰果多Ｄ雞會好一點！老公叫了水煮牛肉拉面，我覺得味道都唔錯，但佢話唔多地道。雞絲粉皮好味喎！唔太厚既粉皮０岩晒我胃口。野飲方面我揀左龍眼水，唔錯呢！好味道！真係幾好味啦！只有一樣野我覺得唔夠，就係菜飯唔夠味！咸多少少就好喇！