糖室 (已結業)

石硤尾係一個好舊嘅社區，上年我都喺附近做實習，周圍好多鼠王芬，但係偏偏好多人去南山邨附近搵食😛舊區入卻有一間與別不同嘅甜品店，都吸引到唔少人去嫁！門口有張吊椅可以坐，不過我驚整爛人哋😂入面重有吊床裝飾😍落單紙📌覆盤子梳乎厘oreo撻-HKD56好大個梳乎厘呢😍！而且上面仲有乾花裝飾，好適合相機食先📸梳乎厘微暖，十分軟熟💭底部有oreo餅底，拼埋一齊食都幾好😚加上乾花嘅配合，整體上都幾香🌹食到中間位置，底部會有雜莓醬🍇本身以為得少少都幾好，原來係有好多醬😱😱我個人就覺得都幾酸，如果啲醬少啲/分散會比較好😁📌櫻桃紫蘇冰-HKD46一樣係超大份量😍冰上面倒上大量既什莓汁，周邊重有大量草莓，甜甜酸酸好適合夏天既甜品😆不過美中不足係啲冰溶得好快😂加上冰磨得不夠幼細，有時會有好大塊冰🙈不過整體上唔錯既😌📌檸檬夾心餅心太軟 配蜜糖乳酪雪糕-HKD48真係要讚，心太軟一切開個下，真係爆出咁💥，流心度爆分🎉味道同檸檬夾心餅真係一樣，我個人就好中意啦😆配搭乳酪雪糕，一冰一火，一甜一酸既感覺真係好正😌店內嘅裝修十分舒適❤️大約二十個位，其實呢間甜品店同觀塘間chillazy吊床係同一間，食飽飽真係想去躺一躺😴