萬發海鮮菜館

营业中

休息中

今晚同朋友去咗萬發大角咀店食飯，以前都有食開石硤尾嗰間覺得唔錯，原來大角咀都有分店。就幾位同事放工去試下。首先一定一定要講下個胡椒豬肚雞煲！！真係好好味，胡椒味好香好濃，加埋隻雞同豬肚，成個湯好滑好好飲，個個爭住飲晒啲湯。燒乳豬水準都唔錯，個皮好脆好香。啫啫菜煲同炸一口豆腐保持一貫水準，我每次去萬發都必食。講到必食，薯仔牛肉粒先係代表，薯仔炸到香脆，夾埋牛肉汁，無得頂。再叫多兩個菜，瑤柱豆苗同埋小炒王。豆苗個汁較得啱啱好，小炒王鑊氣夠，兩碟都有水準。 碟碟餸都好好送，食咗兩大碟! 滿足既一日，保留到港式大牌檔風味，必定會再黎。