影片
更多
2021-09-08
32 浏览
🔥上個月偶爾嘅機會獨食咗觀塘嘅小火焰分店， 覺得食物嘅質素性價比好高。妹妹都話想食，於是趁住放假兩丁友就去咗大圍分店食飯。👭🏻既然有兩個人，梗係嗌多啲嘢食啦！今次我哋試咗兩個午市定食（跟餐送熱飲；凍飲加$3），兩份小食，同埋一份「上次小編想食但係又驚一個人食唔晒」嘅雪花冰。🍲溫泉蛋燴牛肋伴飯（$58）：白飯上面蓋滿咗厚厚嘅牛肋肉同埋醬汁，仲有炆得好軟滑嘅紅蘿蔔。最頂就放咗一隻恰到剛好嘅溫泉蛋，加埋紫菜拌飯一流。🍛蜜糖芥末雞扒焗泡菜飯（$68）：泡菜飯有輕微嘅泡菜香但係又未至於辣，唔食辣嘅朋友都可以嘗試。實在嘅炒飯上面有一份預先煎香嘅厚切雞扒，加入芝士及脆肉瓜再拎去焗。厚切雞扒，加上每啖濃郁嘅芝士香，真係充分滿足肉食獸嘅慾滿！😋同觀塘分店一樣，購買正餐之後，同樣係可以大概$10左右嘅價錢就加購大量小食甜品！今次就同妹妹試咗炸雞同埋泡菜～🍗甜辣韓式炸雞（$10）：甜辣醬有啲似平時點脆香雞翼嗰啲泰式雞醬，整體都幾香口，小食黎講可接受。🥬泡菜（$10）：微酸微辣，泡菜脆口，店家特意再灑上白芝麻，都幾用心。🍫🍨糯米糍3.6牛奶乳雪花冰（$68）：欣賞！- 雪花冰嘅質地綿綿，好柔軟，入口好快就溶化
👭🏻既然有兩個人，梗係嗌多啲嘢食啦！今次我哋試咗兩個午市定食（跟餐送熱飲；凍飲加$3），兩份小食，同埋一份「上次小編想食但係又驚一個人食唔晒」嘅雪花冰。
🍲溫泉蛋燴牛肋伴飯（$58）：白飯上面蓋滿咗厚厚嘅牛肋肉同埋醬汁，仲有炆得好軟滑嘅紅蘿蔔。最頂就放咗一隻恰到剛好嘅溫泉蛋，加埋紫菜拌飯一流。
🍛蜜糖芥末雞扒焗泡菜飯（$68）：泡菜飯有輕微嘅泡菜香但係又未至於辣，唔食辣嘅朋友都可以嘗試。實在嘅炒飯上面有一份預先煎香嘅厚切雞扒，加入芝士及脆肉瓜再拎去焗。厚切雞扒，加上每啖濃郁嘅芝士香，真係充分滿足肉食獸嘅慾滿！
😋同觀塘分店一樣，購買正餐之後，同樣係可以大概$10左右嘅價錢就加購大量小食甜品！今次就同妹妹試咗炸雞同埋泡菜～
🍗甜辣韓式炸雞（$10）：甜辣醬有啲似平時點脆香雞翼嗰啲泰式雞醬，整體都幾香口，小食黎講可接受。
🥬泡菜（$10）：微酸微辣，泡菜脆口，店家特意再灑上白芝麻，都幾用心。
🍫🍨糯米糍3.6牛奶乳雪花冰（$68）：欣賞！
- 雪花冰嘅質地綿綿，好柔軟，入口好快就溶化開。隨着雪冰嘅溶化，牛乳嘅香甜就溫柔咁輕撫著每一個味蕾。
- 朱古力糯米糍外皮好煙韌，內裏包裹微甜朱古力忌廉，食落去唔會膩，恰到好處！
- 如假包換嘅朱古力雪糕球，好香濃嘅朱古力味，加入適量嘅牛奶後口感香滑（唔好朱古力嘅小編都忍唔住自己食晒成個雪糕球～）
- 放置室溫嘅溶點較低，曾經食過其他門店嘅雪花冰，不消一陣間就溶到變晒水。但係呢度嘅雪花冰就似乎冇呢個問題～開心，可以慢慢食～
🍹蜂蜜紅棗茶：跟餐送餐飲，凍飲加$3。紅棗都幾足料，養生必選！
💗整體而言：好鍾意佢個雪花冰啊！單係個雪花冰已經可以吸引小編再去。其他食物嘅性價比都高，大圍分店嘅座位間隔比觀塘分店更加寬敞，食客可以坐得更加舒服。
小火焰韓式咖啡廳 (大圍金山樓)
地址：大圍大圍道1-35號金山樓地下4號舖
電話：31702320
小火焰韓式咖啡廳 (觀塘觀點中心)
地址：觀塘觀塘道410號觀點中心1樓1號舖
電話：35496060
營業時間：星期一至日及公眾假期開放時間不一
#香港食好西 #觀塘 #韓國菜 #大圍 #小火焰 #野生代言人
张贴
