小火焰韓式咖啡廳 (金山樓) (已結業)

見到大圍有新餐廳，一睇原來係觀塘間小火焰韓式咖啡廳！之前食過一次幾好食😋🔸醬燒豬頸肉番茄湯烏冬💯呢度燒豬頸肉真係好好食，成餐飯最好食嘅嘢🤣燒得好香脆，又加左甜甜地既燒汁😋番茄湯底都幾濃郁🍅🔸蜜糖芥末雞扒焗泡菜炒飯🍚呢個飯嘛嘛哋，啲炒飯比較濕同淋🙈雞扒有啲鞋、食得出係白汁飯，唔似係蜜糖芥末😂🔸甜辣韓式炸雞🍗炸得好香脆，雞肉咬落都嫩，啲汁再多啲就更加好食😋🔸卡邦尼小杯年糕味道都ok，好鐘意食韓式年糕☺️$10份量都幾夠多🔸脆香牛油雞翼🦴炸得幾香脆，不過有啲奇怪一隻深色一隻淺色🙊🙈飲品方面正常發揮，咖啡有塊小曲奇🍪可試業期間有少少食物失手，不過個豬頸肉好好食！推薦😍