平日晚上7點來到，都已經好多人，坐我隔離仲有好幾個佛教徒特登約埋黎試素菜（從佢地對話中聽到）。呢度燈光和冷氣都夠，牆邊有排「自閉位」有好幾個電掣位，有wifi，不難成為歇歇腳、溫下書的好地方！
2DP 素全日早餐 (包括烤番茄, 茄子芝士塔, 炒蛋, 蘑菇, 沙拉及烤蔬菜等) $68
2DP All Day Breakfast (includes oven-baked tomato, eggplant & cheese tower, scrambled egg, mushrooms, salad & baked veggie)
無人話夜晚唔可以食通常brunch 先食既 all-day breakfast 既~ 話明all day 嘛幾時都食得！貪佢份量岩岩好，我唔想食太多carbs，一舊牛角包仔就好足夠。陣容豐富，個蛋好好食，唔係水水地得個滑字但食完係無乜感覺果d，呢度既蛋好有麥記早晨全餐果種厚實但好嫩好香的味道，超喜歡！
茄子芝士塔其實係茄子和蕃茄跟芝士疊著，芝士是半溶狀的。茄子和蕃茄都是清新水嫩的蔬果，夾著芝士吃，提香不少。份量和味道都對得住價格，可以encore。
薰衣草黑莓鐵觀音 Lavender Mist Lavender Blackberry Tie Guan Yin $46
除了純泡茶和一般cafe 的咖啡類，呢度有好多好靚的 "tea mocktail" - 我諗係個樣似cocktail 姐，都係混搭好的茶系飲品。我點的是鐵觀音做base、加入酸甜黑莓和薰衣草的飲品，茶香十足，酸酸甜甜的相當refreshing，比起一般泡茶沒那麼單調嘛。黑莓唔係得個味，係一粒粒食得的。
隔離叫左好多野食，我覺得個"素牛大啡菇漢堡"好靚，勁大個，下次試下先！
鐵觀音雪糕 Tie Guan Yin Gelato $36
臨走時買左一個雪糕cone 試下，一路行一路食。有3隻味揀，分別係熱情果、普洱朱古力和我選了的鐵觀音，綠色唔係抹茶味呀！幾香醇，拍得住天仁的出品，奶味唔會太strong，茶味雪糕來說做得幾好呀。
