Just Eat (已結業)

好耐冇同老公出去行街食飯，難得到weekend可以輕鬆一下，我就帶咗佢去西營盤度食間新開嘅越南菜。地點非常方便，好近地鐵站。餐廳裝潢簡約，乾淨企理。我地叫左個牙車快卷(HKD 48)，紅咖喱牛柳粒 (HKD 188)同埋蒜香牛油雞翼 (HKD 36)。至於飲品就叫左青檸梳打(HKD 24)和菠蘿冰 (HKD 38)。個牙車快卷賣相唔錯，有好多蔬菜，好有越南傳統風味，個人覺得係幾好既開胃菜。跟住黎既就係雞翼，未食已聞到陣陣蒜香，雞翼幾大隻，皮脆肉嫩，仲有好香濃嘅牛油味。個咖哩牛柳粒，個人覺得略帶微辣，牛柳粒好鮮嫩，口感唔錯。至於個飲品，兩杯都好清新冰涼，啱哂炎熱既夏天。個人比較鍾意菠蘿冰，因為我好鍾意啖啖香甜既菠蘿肉。