INN - I’m Not Nothing (已結業)

元朗鳳攸南街一向出名多野食，今次黎到街尾呢一間餐廳，冇街頭咁熱鬧，但靜靜地係一角環境更加適合坐低傾計🥰由於晚市禁堂食，我地晏晝嚟每人嗌左個lunch set，呢個價錢已經包左餐湯主菜餐飲，性價比都幾高蘑菇湯餐湯來講算幾有心機，將蘑菇打成茸，每一啖都有蘑菇香味亦都好creamy！燒雞柳忌廉長通粉麵控如我第一時間就要嗌個意粉食🤤雞柳好嫩滑，忌廉汁香而不膩，配上沙律菜、粟米、洋蔥，口感豐富，份量都較多！不過長通粉就略嫌煮得過久烤洋蔥野菌牛肉芝士漢堡配薯條呢個漢堡大大分配料豐富，漢堡扒份量足亦鎖住肉汁，麵包有牛油香，咁多層一啖咬落去好滿足！值得一提既係旁邊既薯條，粗身薯條炸得香脆，好好味！expresso tonic元朗比較少餐廳有得飲，呢度加咗焦糖化既橙片，係一個有趣嘅配搭！士多啤梨藍莓奶昔食完肥膩野揀返個健康配搭，有果味之餘唔會太稠身，light d話咁快就飲晒！