渾喆 (已結業)

旺角已經周圍都係手搖飲品店，但係幾乎全部都係飲珍珠奶茶等等。不過呢幾日就發現到一間與別不同嘅！渾喆裝潢令人覺得好清新，好襯佢地主打嘅100%果汁飲品。見到佢地有好多唔同嘅配搭，用100%鮮果即製嘅果汁配宜家不同手搖飲品嘅特色，感覺好新鮮。不過因為我飲之前食到好滯，於是叫杯簡簡單單嘅奶蓋茉莉綠茶，想清一清滯。奶蓋非常creamy！又綿好厚！甜度都啱啱好，飲得多都唔會覺得太甜。茶底係茉莉綠茶，茶味出眾，但又唔會有澀味，都唔會飲到個口好乾，果然係配奶蓋嘅最好選擇！另外覺得佢地嘅杯好方便！個蓋可以擰左擰右，自己決定個開口位嘅大細，唔飲又可以遮番住！好user friendly 嘅設計！