Chalet (已結業)

荃灣區不嬲都是美食集中地，雖然我唔住近喺呢一頭，但都經常黎荃灣區飲飲食食。今次同朋友慶祝佢搵到份新工新開始，當然要請佢去食返餐好既。頭盤我地㨂咗帝王蟹餅配蛋黃芥末醬同忌廉芝士茄子卷帝王蟹餅配蛋黃芥末醬 蟹餅外層香脆，入面堅有蟹肉，蛋黃芥末醬同蟹餅好夾，好能夠帶出蟹肉既鮮甜味。 忌廉芝士茄子卷忌廉芝士茄子加埋一齊，個茄子既口感好似無咗咁。不過幸好忌廉芝士味道濃郁，完美補救返。龍蝦湯龍蝦湯中規中舉，好重既龍蝦味喺入面。反而件麵包有驚喜。麵包應該係自家製既，外脆內軟，伴湯食一流。黑松露牛肝菌意大利飯配有機大啡菇配牛肝菌泡沬上菜既時候見到佢牛肝菌泡沬已經覺得好神奇，呢個飯用黎打卡一流。牛肝菌泡沬同有機大啡菇既濃厚菇香氣，令到成個意大利飯都好加分，菇類愛好者必點。肉眼扒配芝士煙肉焗薯皮牛扒好大塊，牛扒火喉剛剛好五成熟，切出黎好多肉汁。配菜有豆角同芝士煙肉薯皮，配菜都好有水準。香蕉布甸口感好滑，好濃郁既香蕉味道。麵包布甸 新鮮焗出來的，上菜時已經一陣布甸香氣，甜度又適中，值得推介。總括黎講，呢間餐廳整個格調都好好，環境唔會好嘈既。好適合情侶或者朋友傾計，侍應服務態度都好好，從無催過我哋交枱。