Twinkle Baker Decor (PopCorn 1)

营业中

休息中

無得出街食飯，但生日都係要慶祝嘅。朋友仔仔五歲生日，我哋就決定買個蛋糕氹佢開心。究竟小朋友鍾意啲乜㗎呢？好彩佢成日都講話要打怪獸👾，咁就啱了。一向留意開Twinkle蛋糕嘅我，就喺IG見到佢哋有個新系列「快糕長大👶🏻」。一款係長頸鹿高高、另一款係恐龍仔多多，雖然我覺得前者🦒都好可愛，但後者真係啱哂壽星仔。於是我哋就上網訂咗個蛋糕喺將軍澳Popcorn新店到拎。一去到女店員就有資料，隨即為我哋送上蛋糕，並提供埋蠟燭，非常友善啊😊。將軍澳店比起其他店大，裝修勁別致，有大大隻扮清糕看門口🎂。蛋糕櫃嘅每款蛋糕都好吸引啊😍，所以引嚟好多途人圍觀。🦖恐龍仔多多Yakult Dinosaur (4.5吋inch)($368)，佢個樣好鬼傻、好可愛，呆呆的，一啲都唔恐怖，仲有排好搞笑嘅哨牙。從側面睇，恐龍仔個背脊仲有啲鰭同條尾仔添😆。恐龍仔多多出沒注意⚠️。蛋糕嘅綠色外層忌廉好滑，仲有啖啖嘅班蘭香🌿(好似係，除非唔係)。即使佢係忌廉，但無好膩嘅感覺。內層方面，蛋糕嘅主題係益力多，所以主要有低糖高纖益力多味慕絲同原味牛油蛋糕，慕絲層再搭配埋乳酪爆珠，頗特別的👍。而切開蛋糕外，發現陳述係符合商品說明條例的。