熊小館

营业中

休息中

女女比熊小館店前的得意熊仔吸引, 入咗去食下午茶。裏面布置可愛，有好多可愛熊仔陪住食野，囡囡好開心❤️🐻🐻下午茶時段幾抵食，除下午茶餐外，全日餐平日有7折，星期六日有9折。囡囡食野菌汁西冷牛扒配薯菜，我就要咗芝士忌廉汁海鮮焗飯，加6蚊有餐湯餐包，加9蚊有沙律或甜品。餐湯係羅宋湯，裏面有好多蔬菜，味道濃郁。芝士忌廉汁海鮮焗飯幾大碟，入面嘅海鮮 都唔錯，夠新鮮，有青口，蝦仁，墨魚，蟹柳等。甜品係奶凍，口感幼滑😋奶香味重。