PHI Coffee & Pancake (形點 II)

营业中

休息中

同小朋友出街食野，當然要搵一間環境舒適之餘嘢食又啱小朋友嘅餐廳🍴，呢間就啱晒我地需求，仲要野食好味，所以間唔中就過嚟食野🫣今次佢地有好多栗子產品，一定要試試佢香煎雞肉全日早餐🌅有兩塊煎得啱啱好既雞扒，個皮好脆之餘仲要有汁，正呀🤩！另外多士有驚喜，香脆之餘仲要有濃濃嘅牛油香味，夠晒邪惡手撕牛肉意大利飯牛肉好腍好好味，小朋友好鍾意，食咗一大碗～蕃茄芝士千層麵蕃茄🍅味好濃，每一啖都食到濃濃嘅蕃茄味，加埋拉絲芝士🧀，真係好惹味，唯一美中不足係千層麵嘅邊邊有啲硬，如果可以改善下就好啦冬日栗子咖啡（熱）呢啲天氣都係飲返杯熱嘢🔥，呢杯栗子咖啡，栗子同咖啡☕️嘅比例啱啱好，唔會太甜得來又好香栗子味，加埋厚厚嘅奶泡好滿足😌焦糖暖泡沫鮮奶鍾意飲鮮奶🥛嘅一定唔可以錯過佢哋嘅Babychino !暖暖既鮮奶加上焦香既焦糖，面頭再加上一層奶泡🫧，秋冬飲就啱啦～秋冬濃濃栗子梳乎厘呢個係全晚嘅MVP ！疏乎厘火喉啱啱好勁fluffy ，面頭有好多栗子蓉，加上淋咗栗子汁嘅鮮奶油同埋糖漬栗子🌰，連隔離栗子造型嘅蛋糕都有栗子餡㗎💜！成碟都係滿滿嘅栗子，鍾意食栗子嘅朋友仔就啱晒啦