影片
更多
2021-03-26
290 浏览
今次同大家嚟到位於九龍城嘅小曼谷海鮮燒烤屋，試一試佢哋嘅午餐套餐。餐廳午市套餐嘅選擇種類都幾多，隨餐奉送冬陰功餐湯一碗，再加飲品一杯。今次小編選擇咗嘅係小曼谷炒米粉，同埋一客鳳爪沙律。之前曾經試過外賣版嘅小曼谷炒米粉，口感比較乾身；但係今次嚟到門店即食，米粉偏油，但係現場熱辣辣即食有另一番風味。（之不過相比底下小編更喜歡乾身版本）另外，雖然係用咖喱炒，但係並冇掩蓋到米粉本身既米香味。米粉特意加入扎肉，豬頸肉粒，蟹柳以及蝦仁，豐富整體嘅口感，以及更加「香口嘢味」。午市套餐上只需要加$25另購小食一份，對於喜好酸辣嘅小編，當然要好好嘗試一下佢哋嘅泰式酸辣鳳爪。鳳爪不過不失，同普遍泰式餐廳水準一樣，唔會失望但係亦都唔會特別驚喜。最令小編驚喜嘅反而係佢哋嘅飲品，泰式奶茶真係幾香口，而龍眼冰則放了滿滿嘅龍眼，飲落亦有甜蜜嘅龍眼香味，好滋潤嘅感覺。雖然食物方面未有太大嘅驚喜，但係性價比高。更有學生優惠價，着校服嘅學生有福了！另一個加分位，店員們都很友善，街坊街里嘅感覺好親切，係一種人情味⋯（另外，原來餐廳每晚八至十一點會有現場音樂表演，一邊聽住音樂一邊享受美食，都幾嘆吓㗎）售價：港幣$54（只收現
之前曾經試過外賣版嘅小曼谷炒米粉，口感比較乾身；但係今次嚟到門店即食，米粉偏油，但係現場熱辣辣即食有另一番風味。（之不過相比底下小編更喜歡乾身版本）另外，雖然係用咖喱炒，但係並冇掩蓋到米粉本身既米香味。米粉特意加入扎肉，豬頸肉粒，蟹柳以及蝦仁，豐富整體嘅口感，以及更加「香口嘢味」。
午市套餐上只需要加$25另購小食一份，對於喜好酸辣嘅小編，當然要好好嘗試一下佢哋嘅泰式酸辣鳳爪。鳳爪不過不失，同普遍泰式餐廳水準一樣，唔會失望但係亦都唔會特別驚喜。
最令小編驚喜嘅反而係佢哋嘅飲品，泰式奶茶真係幾香口，而龍眼冰則放了滿滿嘅龍眼，飲落亦有甜蜜嘅龍眼香味，好滋潤嘅感覺。
雖然食物方面未有太大嘅驚喜，但係性價比高。更有學生優惠價，着校服嘅學生有福了！另一個加分位，店員們都很友善，街坊街里嘅感覺好親切，係一種人情味⋯
（另外，原來餐廳每晚八至十一點會有現場音樂表演，一邊聽住音樂一邊享受美食，都幾嘆吓㗎）
售價：港幣$54（只收現金）
電話：27167868
營業時間：星期一至日（1130-2300）；星期三（晚上九時關門）
小曼谷海鮮燒烤屋
地址：九龍城太子道西398號御太子地下1-3號舖
张贴
