串燒燒烤專門店 (已結業)

今日其实约咗一大班旧同事敍下旧，点知好多人都要开OT，得番小猫几只，所以食唔到大餐，转战串烧。大家一坐低就系咁叫野食，有火箭鱿、芝士肠、香草肉肠、烧鱼饼、皇牌肉汁烧极品黑豚鞍、海盐烧巴西厚切牛舌仲有紫苏叶香烧羊仔鞍。好彩啲串烧唔大份，如果唔系一定食唔晒。不过个火箭鱿、黑豚鞍同羊仔鞍真系好大件呀。个火箭鱿有25cm长，仲长过我块面，师傅烧得刚刚好，好脆好嫩同好鲜甜。个黑豚鞍都系好大块，烧到金黄色，望到就已经流晒口水啦，当我大大啖咬落去果时，啲肉汁就流晒出来，真系好好味。师傅推介羊仔鞍，佢将个羊仔鞍的肉汁锁住系个入面，外面就烧到好脆，口感一绝。有样串烧好特别就系牛舌啦，我好小系出面食到；佢地的牛舌真系好大块又厚(虽然个名都讲明厚切)但系真系估唔到有差唔多一寸咁厚，呢个的口感有啲特别，脆脆地又林林地，好得意，但系唔苏好好食。啲肠仔条条都好长，应该有6寸，烧得好香，唔知系咪佢地啲货入得好，所以觉得系出面食唔到。最后仲有烧鱼饼，佢地味到好特别，我唔知系咩味，只系知道佢地落咗啲香料入去，令到块鱼饼好香。我一定会再来食架，因为仲有好多串烧未试，下次同你地再encore。