糖百府 (已結業)

琴日去糖百府食冰，同行朋友叫o左個咖啡秋香 ($35)，因為我唔食生果所以散叫 (基本上同佢個朱古力 set 一樣，不過係唔要生果)..張單先到，同行朋友望一望，話，散叫真係平好多喎....我望一望張單，d 價錢真係差好遠，跟住咪好奇之前拎張單計一計...咖啡秋香 ($35) 裡面，有:- 咖啡冰- 糖漿- 彩色朱古力針- 紅豆- 咖啡 jelly- 另一款 jelly再望望散叫呢，價錢係咁計：- 咖啡冰 ($25)- 糖漿 (已包)- 彩色朱古力針 (已包)- 紅豆 ($2)- 咖啡 jelly ($2)- 另一款 jelly ($2)即係 $31!!! 差成四蚊呀！我咪叫個 sales 來問，問：『想問個 set 同散叫，其實有咩分別?』答：『冇』問：『咁點解散叫仲平過叫 set 的？』答：『...........』呢個姐姐答唔出，就即時搵另一個姐姐來求救....呢個姐姐只係好簡單講句：『set 係大碟 d』跟住就走o左。請真，我唔覺得囉，我仲覺得散叫仲大碟 d呀！所以你地去的話，記得計過條數至好叫 set，呃人o架！