好彩我個囡對下張單，收咗另一個貴啲嘅食物。怎料去收銀排隊諗住搞返好，排到我時個收銀員叫我等下先，佢要收咗後面個客啲錢先，我就唔明點解排完隊都仲要等，佢仲要重覆講咗起碼五次！that’s ridiculous ！
收錢至上？你收多我錢就無所謂？
跟住俾返張單佢同埋食物相（我已印好相去收銀處排隊加快效率），點知同佢講極佢都唔明！佢問我咁係咩食物嚟，我話係”A”，點知佢問返我轉頭，”A”係咩！嘩，你第一日返工嗎？ 餐牌係你哋出嘅，問返我轉頭？ 我話收多咗錢，竟然回覆我，「係咩，係人都會錯架啦！」果然係態度「一流」呀！
搞咗一輪，嬲到我爆燈！好彩佢旁邊出食物既同事/經理走過來，30秒就退返錢俾我啦！ 搞咗我哋5分鐘，返到位置食嘢，小朋友們都問我點解個收銀員咁差嘅？
啲嘢係好食嘅，不過可惜嘅係，有啲咁嘅員工 。
所以，提醒大家，要對單，分分鐘收多你錢仲要受一肚氣！
