飼說 (已結業)

真心伏，食完一次唔會再試，亦都唔會推薦身邊嘅朋友去。係我第一次食完忍唔住要寫食評。。。原本睇食評同相都覺得環境幾靚幾文青，野食相都幾吸引，心諗都值得一試。去到叫左一個沙律，係幾樣之中比較正常，菜唔係特別新鮮，但食得落口。之後我朋友叫左一個白酒蜆肉蕃茄意粉，意粉就好dry，蕃茄我食到有酸宿味，心諗應該係隔夜，而且無放入雪櫃。蜆就多，但食到有沙。我就叫左個軟殼蟹忌廉意大利飯配牛油果醬，呢個強差人意。隻蟹味道正常，temopura蟹，賣相就好似蜘蛛。至於d飯。。。一碗白飯都好食過佢，飯無忌廉味，又無牛油果醬果味，淡而無味，唔明點解可以叫做risotto？重點係，價錢又貴。BTW，個廁所仲要係沖唔到水，下次沖唔到記得寫住，去完先知沖唔到，一黎尷尬，二黎下位去廁所見到都想嘔番食過嘅野出黎認真，去過咁多間所謂文青cafe，呢間俾我印象最深，因為食物質素差，價錢唔值，完全feel唔到係用心經營嘅文青cafe。