金利來小廚 (已結業)

魚唔過塘唔肥，最近因為轉工比較忙，認真開飯都比較少，難得放左幾日假叉返小小電，今晚就寫返篇上個月食過嘅金利來小廚。由於上個月返左個星期大陸，特別想食啲小炒地道菜，朋友話想試下金利來，一行六人就去九龍灣一試。吹水墨魚咀朋友話係必食，但係今次墨魚咀炸得唔夠脆，唔同真係識吹水？金銀蛋浸菠菜正正常常，都夠大碟芝麻雞我經常話色香味以色行先，望落覺得好食已經加唔少分，芝麻雞芝麻算足，味道亦唔錯，但同吹水墨魚咀一樣，個皮唔夠脆酥炸咸豬手睇到呢到你可能會覺得我話啲煎炸野唔夠脆，介紹返個咸豬手，夠味夠脆，點埋個芥末醬簡直係一流芥辣四季豆牛柳粒牛柳粒係我特登加嘅，因為我覺得牛柳粒細細粒又夠味，吹水送酒一流。但係牛柳粒係度只係配角，主角係食極都有既四季豆。但係牛柳粒味道係有芥末嘅香，亦唔韌薑葱桶蠔桶蠔大大隻，薑葱多但無蓋過蠔嘅鮮味，咬落重有微微海水味嘅汁流出黎，幾好食總括黎講，咸豬手同桶蠔味道好好，但比較出名味墨魚咀同芝麻雞外皮就唔夠脆，四季豆牛柳粒個人認為要重新分配四季豆同牛柳粒比例。題外話：有時開飯，餐廳入面環境，甚至隔離枱食客都會影響進餐。今次小弟後面坐左張大枱，後面位先生不停向後坐，地方本來都剛剛好