拾伍·貳拾手作串燒 (已搬遷) 新店位置

雖然尼間餐廳位置有d隔涉，但聽聞係💛💛所以支持一下😉結果冇令人失望🤤坐底點完幾款串燒餓得濟又加左個蟹子沙律，好清新之餘好多蟹子，一下清左唔記得影相😂欣賞串燒上面有碎嘅紫洋蔥，生食都可接受，加左一份清爽。牛舌夠厚，外脆內嫩，保留到肉汁。燒豚五花肉逼晒油脂出黎勁香口又唔膩👍🏻雞皮露筍第一次食好驚喜，唔似食雞皮，脆脆地而且雞油香滲左入蘆筍度，蘆筍脆嫩唔乾身🤤燒雞泡魚乾就中規中矩燒雞軟骨棒亦係第一次食，啖啖肉仲唔會鬆散，點蛋黃一齊食非常香濃，好夾。燒絲瓜都好refreshing，唔會乾晒仲有汁添焗金菇都好夠味，唔會死咸總括黎講串燒都好滿意，特別係蔬菜類，不過酒類選擇唔多，整體價錢小貴