金城小廚 (已搬遷) 新店位置

近日才開始由海港酒家轉去此金城小廚，誰料一週後即傳出被領匯(即領展)瘋狂加租一倍而被逼結業的消息，據說五月中便正業結束營業，距今只有約兩星期。屋邨餐廳屋邨價錢，亦免加一，本還希望辣近地先轉去呢度飲茶，點知又要另覓地方。鳳爪排骨飯($31) - 份量還不少，倒出黎有成一盒飯有多，排骨都唔少。鳳爪排骨正常，飯粒粒分明，乾爽而不黏。其他點心都okay，價錢唔貴之餘，亦幾大份，例如爽肚有超過十件，比一般酒樓多一倍，但味道唔差。