陶陶家廚 (已結業)

出左雙糧, 搵個藉口食番餐好, 但係港島區食飯又只會係個個問題, 就係價錢貴得黎唔抵食, 一個唔留神俾左錢買難食, 真係喊都無謂記起早兩年老豆帶我去北角權發, 睇OpenRice先知佢轉左名做陶陶家廚, 橫掂都唔知食咩, 一於去試下今日豪氣食, 一於叫盡海鮮, 伙記介紹我地兩個人食左四樣野 花雕蛋白蒸奄仔蟹:因為步驟比較多, 所以呢個花雕蛋白蒸蟹都係留番出街食化算 我記得有一次係澳洲食過, 今次係香港再食真係好興奮 蛋白非常滑, 配上蟹肉一齊食, 加上少少黑醋撞D味出黎, 自然花雕酒香撲鼻, 蛋香四溢, 且能突顯蟹肉的鮮味 淸酒鑽石蜆:第一次食紐西蘭鑽石蜆, 伙計話可遇不可求, 因為通常周末先番貨! 食落去果然有驚喜, 感覺其肉質較市面上大蜆鮮甜, 口感較彈牙, 而且受污染較少, 可以更加安心食用! 今次用上清酒煮, 所以份外鮮甜, 連一齊浸住的豆腐都吸收晒蜆肉的鮮味, 一流 椒鹽鮑魚:把四隻鮑魚炸成一粒粒, 外面椒鹽香脆, 肉裡紮實的口感, 佐啤酒一絕黃金蝦球:另一個驚喜, 因為又係食功夫野, 大廚要把咸蛋黃一層層的邊推邊炒, 才能把蛋黃蓉包在蝦身, 吸收咸蛋黃的香味! 味道濃郁的黃