影片
更多
2020-06-10
2591 浏览
環境店面都幾細，得十幾個位，疫情期間lunch time一般都要等吓位。設計以啡色同白色為主，簡簡單單，冇多餘嘅裝飾或者擺設，窗邊位仲有小盤栽點綴。Homemade Burger Set- 自家製麵包：麵包新鮮鬆軟，輕輕烘過後再加上包面嘅芝麻令口感更豐富。- 漢堡扒都係自家製。牛肉唔會過咸，但偏好重口味嘅人可能會覺得唔夠味。略嫌唔夠肉汁，好彩有層薄薄嘅蕃茄醬搭救，令個包唔會乾之餘亦更加醒胃。太陽蛋同漢堡扒嘅熱力令車打芝士完美溶化。Flat white 咖啡豆係埃塞俄比亞同巴西兩大咖啡國出產（唔肯定會唔會轉）。咖啡口味人人唔同，有人中意nutty，有人偏好fruity。今次嘅咖啡口感順滑、香濃，只係微酸。就個人口味嚟講，係香港數一數二，用嚟配cake真係好滿足！68% Cocoa Choaolate Tartecake都係每日自家製。chocolate tarte朱古力味極濃郁，焙茶味餅底中和返甜味，整體唔會過甜，餅底唔會太硬實，食完都完全唔覺得膩～總括而言，無論主食定甜品賣相都好唔錯。最難得係每一樣食材都係用心處理，唔係流水作業式製作上枱。返工做到攰嚟食個lunch，真係有叉足電嘅感覺
店面都幾細，得十幾個位，疫情期間lunch time一般都要等吓位。設計以啡色同白色為主，簡簡單單，冇多餘嘅裝飾或者擺設，窗邊位仲有小盤栽點綴。
Homemade Burger Set
homemade burger
100 浏览
0 赞好
0 留言
- 自家製麵包：麵包新鮮鬆軟，輕輕烘過後再加上包面嘅芝麻令口感更豐富。
- 漢堡扒都係自家製。牛肉唔會過咸，但偏好重口味嘅人可能會覺得唔夠味。略嫌唔夠肉汁，好彩有層薄薄嘅蕃茄醬搭救，令個包唔會乾之餘亦更加醒胃。太陽蛋同漢堡扒嘅熱力令車打芝士完美溶化。
Flat white
咖啡豆係埃塞俄比亞同巴西兩大咖啡國出產（唔肯定會唔會轉）。咖啡口味人人唔同，有人中意nutty，有人偏好fruity。今次嘅咖啡口感順滑、香濃，只係微酸。就個人口味嚟講，係香港數一數二，用嚟配cake真係好滿足！
68% Cocoa Choaolate Tarte
cake都係每日自家製。chocolate tarte朱古力味極濃郁，焙茶味餅底中和返甜味，整體唔會過甜，餅底唔會太硬實，食完都完全唔覺得膩～
總括而言，無論主食定甜品賣相都好唔錯。最難得係每一樣食材都係用心處理，唔係流水作業式製作上枱。返工做到攰嚟食個lunch，真係有叉足電嘅感覺。
题外话/补充资料：
每日lunch set只有一款，食過burger/ panini/ bagel/ omelette。為免去到先發現唔岩食，我通常都會上佢地ig睇定today's lunch set & cake options。另外亦有healthy set(bagel + yogurt)，但好輕食唔太夠飽。
(以上食记乃用户个人意见 , 并不代表OpenRice之观点。)
张贴
