鳴橋燒肉料理 (已結業)

以為宜家少咗人出街食飯，點知烤肉原來都多人食，見呢間平平哋種類都ok多，又唔洗等位儘管試試。店舖較窄，如果大隻少少，可能會同後面嘅人相碰，台下烤爐都較頂腳，唔係坐得太舒服。佢有2款價錢選擇，要升級只加$40可有羊、帶子刺身，馬刀貝，安格斯牛等6款食物，我哋見$40唔算多，當然唔睇就升級啦，但後來發現無升級都有其中食物係menu😆不過，侍應話寫埋啫，其實無。建議有興趣黎試嘅先睇睇唔升級有乜唔同先😅先黎刺身，選擇少，但我唔食魚類，對我來說足夠👍🏼刺身件頭細但任食，無所謂啦。帶子都好味，完全無腥味，我哋都食咗幾轉。食親烤肉，次次乜都叫啲，但黎到都係唔知乜肉打乜肉😅有好食、有普通、但真唔知係乜肉，再叫又唔中，又好似唔同，但都係過句，任食無所謂啦😂第一次自己燒雞軟骨，原來都唔差過炸雞軟骨。 好多店嘅一口牛韌到咬唔到，但呢到嘅一口牛幾好夠鬆軟，有點似牛柳口感。佢嘅魚柳調味都唔錯，魚較淋，我個人都喜歡呢個質感，如果你喜歡QQ實實，呢種就唔係。人少少，唔想咁貴，唔高要求，呢度係一個唔錯選擇，中規中矩。$208 /2小時任食，升級加$40，另加一。