海皇粥店 (已結業)

去完西貢，咪去荷里活廣場行，由於之前果餐食得吾夠，咪睇下有冇野食，又吾想食得太飽，見到海皇粥，咪一心入去試下。係門口已經見到好多人，個待應不停叫外賣號碼，咁我咪行入去問下個待應係咪要等位，哈哈，原來佢要叫號才可以入，但我見佢好多張枱都冇人坐，只係未執枱，都冇所謂啦。但見佢只得兩三個待應，就知佢哋好忙，又要收錢，又要落單，又要上菜，又要安排外賣，真係做吾停。終於叫到我哋個號碼，你咪以為佢為你帶位，原來攞個號碼只係俾你入去咋，入到去仲要自己搵位。。。。講到食物，由於吾係好餓，所以只係叫左一碗至尊艇仔粥，一碟炒麵，一碟炸両，老實講，一直都覺得海皇D食物真係吾錯，嚟到依度都覺得一樣，特別係碟炒麵，真的吾錯。但一講到依度D服務同安排，真係好吾掂，個個待應都目冇表情，十問九不應，叫佢俾兩個碗，都要叫幾次先睬我哋，之後叫佢俾碟芝蔴，佢都已經失踪左。。。。不過算吧，可能真係吾夠人吧。我哋都會繼續去其他海皇幫襯。