福岡日本創作料理

营业中

休息中

喺屯門豐景輕鐵站附近工作見到一間日式小店，小店一邊向大街，另一邊向商場，經常都會選擇呢類店舖，因為往往會有驚喜，午市比晚市價錢平更抵食。先點了個叉燒拉麵，原本外賣，見有時間就堂食，拉麵湯底濃麵質幼滑，有牙菜木耳，青菜、大蔥、嗚門卷，當然唔少得叉燒，叉燒好入味，比起好多拉麵店更佳。食咗翻尋味加單兩飯回家食，加咗個吉野牛肉飯，牛肉同洋蔥份量唔少醬汁好味，加上醃蘿蔔好開胃。蒲燒鰻魚飯，鰻魚原條上超驚喜，燒得好香皮有啲脆，照燒汁配珍珠米飯係最合拍。炭燒豬軟骨味道相當好，好入味，炆得好腍。小店以外賣為主，亦歡迎堂食，食物即叫即製保持新鮮，價錢亦相當實惠。