一起食堂 (域多利皇后街)

营业中

休息中

行完中環街市，你想食碗湯麵，見到對面就有一間食台式嘢，就入咗去。入邊地方唔大，但係都坐到幾多人，服務員係兩個年紀比較大嘅叔叔，但佢哋好勤力，態度都好好，所以係加分嘅。小食叫咗古早滷水拼盤 $78，有牛腱、雞翼、豬耳、滷蛋，我特別鍾意食啲雞翼，軟身得來一咬，骨就直接掉出來。主食叫咗一碗花雕麻油雞湯麵 $89，都有成五六舊雞，湯底都唔錯，花雕仲係另外一小杯俾你自己隨意加，湯底有埋紅棗，麵線嘅質感都幾好食。另外叫咗碗紅燒三寶牛肉麵 $99，入面有牛腱、牛丸、牛肋條，超級足料，三樣嘢都好入味。甜品就叫咗芋圓燒仙草$35，芋圓護院好煙韌，好好食！