港滋味 (已結業)

經常響筲箕灣東大街搵食，已經食到冇乜嘢揀。諗住試下啲未食過嘅嘢，其實經過呢間舖頭幾次，但係都冇入過去。今日公眾假期，度度都多人，見到佢哋有位所以入去試吓。（其實之前有諗過入去，但係個招牌唔係太吸引😛原來自己錯過咗間又好服務又好食嘅餐廳）我有睇吓open rice參考吓人哋食乜，今日我叫咗櫻花蝦叉燒炒飯，👍🏻👍🏻👍🏻👍🏻👍🏻一流，一脆脆櫻花蝦，炒飯有鑊氣，有菜剛好唔太熟，重點係叉燒係自家製。諗住之後夜晚再嚟幫襯，睇吓個大餐牌，原來係佢嘅招牌叉燒。（三燒腩叉，係採用新鮮豬肉整）餐廳服務一流，乾淨衛生。誠意推介！