正 麻辣·茶·雲吞 (已結業)

呢間麻辣雲吞真係開得啱時候，隔離新蘇屋邨入伙一半，遲下起好曬餐廳需求就大好多。而呢間小店嘅價錢又唔係貴，實有好多街坊陸續黎食，真係長做長有。呢款檸辣雲吞聽個名好特別，食落又幾夾，尤其夏天熱辣辣，青檸汁好fresh，辣椒好醒神。雲吞皮薄唔粉，肉都無煮到老晒。麻醬冷麵好大份，冷麵應該一早煮好過咗冷河，所以食落係完全清涼，並不似出面食嘅外面冷，但入面仲係粉嘅。小食特別推介腸粉，即做即做，條條煎到好香口，而且好入味，夠晒麻辣，夾埋蝦米好香。魚蛋好彈牙，不過得六粒就唔夠喉喇。最後叫返杯洛神花茶清清熱氣，飲落好舒服。小店來說做足晒所有要求：新鮮，即叫即做，夠抵食，未來嘅蘇屋邨街坊有口福了。