才哥蝦麵 (已結業)

今日去完大角咀見客，早左收工見冇咩野做就周圍行吓，原來大角咀真係變咗好多，喺埃華街個頭多咗好多食肆、酒吧。我行吓行吓就見到才哥蝦麵，我見到咁早7點都未夠，已經坐滿晒人，同埋仲要食我最鍾意嘅蝦麵，即刻就入去試吓，我見到老闆娘好親切嘅笑容，仲介紹我蝦麵配米粉係最入味嘅，梗係即刻接受佢嘅意見啦！等左唔使5分鐘，碗麵就到了，先飲一啖湯，好鮮味，好重蝦味，飲完感覺唔到係味精湯嚟嘅，完全冇口渴嘅感覺👍🏻我相信係真材實料嘅蝦湯底。另外我仲叫左沙薑溝雞腳, 好林好入味, 沙薑味岩岩好, 又平$18一碟; 同埋我再叫多個玻璃魷魚+通菜, 魷魚剛剛好, 通茶又新鮮。