小店 (已搬遷) 新店位置

同一條街有兩間小店, 坦白講師傅都唔知有冇寫錯!同好友食家"乜都放入窿"喺小店一食後後, 當然要去搵個飯後甜品啦, 而地點就係對面間小店, 黎個小店二食!入到去, 咪話人影, 直頭鬼影都冇隻, 求其搵個位坐底就睇下有咩甜品好食! 好友食家"乜都放入窿"本來最想食合桃批, 可惜食店已經冇整, 好友食家"乜都放入窿"都有少少失望; 最後諗左一陣師傅就揀左貓餅, 而好友食家"乜都放入窿"就柯打左檸檬批!等左一陣就有得食, 先講下貓餅, 質地係相當實淨, 加上朱古力味非常濃, 師傅直頭覺得好溜添, 而伴碟嘅雪糕味道一般, 唔覺得雪糕有咩咁特別囉, 一般d; 而檸檬批嘅份量相當之小, 師傅試左少少發覺味道清清地, 唔會太過甜, 而檸檬嘅味道唔會好似洗潔味咁, 所以都算幾吸引!總括黎講甜品質素一般, 環境舒服, 服務亦可, 而價錢唔算平, 平均每人都要成四十蚊, 未算抵食; 師傅覺得小店二食不及小店一食, 如果以甜品嘅角度黎講, 喺呢一區唔一定會揀呢間食店囉, 笑臉真係比唔到, 下次都唔會再黎食甜品!