茶屋町 (長沙灣道) (已結業)

黎開深水埗，同fd夜晚想搵個地方hea下傾計，見到茶屋町呢間日本菜小店，就入黎食下野。前菜叫左個煙三文魚海藻沙律，28蚊。都幾開胃，煙三文魚幾惹味。想叫d飽d既食物就點左蒲燒鰻魚丼，88蚊。大大條鰻魚都幾足料，鰻魚汁撈飯一流。唔夠喉加左個明太子意粉，68蚊。成晚最期待係呢個甜品，宇治抹茶金時芭菲，50蚊。咁既價錢大大杯幾抵食，抹茶味夠濃又唔澀，整體唔太甜。呢個地方都適合同朋友黎，成晚放鬆下都唔錯。