「群記牛肉圓豬手」食佢個辣同牛丸，簡直變成每半年一會嘅指定動作。
食店位於粉嶺聯和墟舊區，絕對稱得上「隱世小店」，無他的，每次都見到一堆人在食店外等外賣，店內又企滿等位的人。無錯，小店有性格，位是要自己搵，店員不會安排座位，而且店內裝修就維持80年代風格，亦無冷氣，但幫襯嘅人仍不絕。
由於每個人都係食碗麵或者米粉，所以都算快入快出，企一陣就會搵到位。小店食物選擇不多，牛丸、豬手配麵或粉，另外炸卷都多人選擇。由於光顧前已打底，唔想太飽下，只輕輕叫了細牛丸米（$28）及細牛丸麵（$28）。
一落單，店員就會送上一小碟辣，唔夠的亦可以自行添加。
米粉及麵嚟講其實冇咩特別，最正係個辣醬， 同時下時興的四川麻辣不同，群記的辣很香，直接撈落粉麵或用牛丸點都好好吃；牛丸彈牙是基本，亦有濃厚的牛肉味（所以可以判斷這裡的牛丸一定有牛肉！）
1
