炊燒 (已結業)

串燒係香港人喜歡嘅食物之一。一串串慢慢食，傾吓計真係好享受。炊燒地方雅致，小店嚟講非常寬敞。枱面準備了保暖串燒的爐，誠意十足。先上菜的是錫紙娃娃菜，微辣的湯配上爽脆適中的娃娃菜，一下子就食哂。扇貝同生蠔都好新鮮，食嘅時候要小心個殼好熱。燒菠蘿好甜。燒牛肚幾林，又惹味。香蒜腐皮，係腐皮包住啲蒜頭，別具特色。魷魚鬚燒得剛好，唔會太靭。雞軟骨脆得嚟保留少少肉，唔會乾咗。台灣腸一份兩條，唔係出面咁俾幾片你。大腸外脆內軟，讚。最後一定要推介嘅 $1 冰粉。食完辣嘢食返碗冰粉十個讚。