見到餐牌有個期間限定$398@2人，見咁抵食，又不妨一試。
龍蝦湯➕自家製意式香草包，龍蝦湯好香濃的龍蝦味，配上鬆軟且有淡淡香氣的自家製香草包，即時打開你的味蕾。
雙重芝士pizza，可選一項配料，揀左煙三文魚，pizza是黑色的薄批，好香脆，pizza鋪滿香濃的芝士，仲可見到粒粒的芝士，配埋煙三文魚，豈能只用好味來形容。
香煎澳洲羊架，肉質鮮嫩多汁，骨細肉多。
芝麻雞翼，好入味，外脆內嫩，還有芝麻香。
白桃乳酸特飲，滿滿的泡泡，打卡必備，味道清新，夏日必選。水果茶，用料十足，好味道～
甜品揀左店長推介的熱情果&芒果撻，酸酸甜甜，果味香濃，食落一啲都唔會滯。
店員服務貼心，有禮貌，7點半前埋單仲可以打折，食物質素好，價錢實惠，性價比超高，值得推薦👍
