影片
更多
2022-08-23
402 浏览
幾年前，我曾經帶埋狗狗嚟過呢間café。當年同而家一樣，室外冇用餐區，而店員話可以幫我將檯櫈移放外面，不過為免太麻煩，我就離開咗。之後，一直都未有機會光顧，直至上周日。我聽唔同朋友提起Cohee，有啲話不過爾爾，亦有人話咖啡好得。而我終於有機會一試喇一行三人，我哋嚟到時已經係1800，距閂門只有1個鐘。大家點咗3款唔同的飲品，而食物就有三文魚bagel、apple crumb cake同埋心太軟。我自己飲的係Dirty，咖啡好香，原本應該係分明的兩個層次喺送到嚟時已有少少混合咗，但都幾好飲。凍朱古力我都試咗一啖，嗯，我覺得麻麻哋，太甜，而且朱古力味唔濃。幾款飲品都跟一小碟杏仁，不過我唔肯定係咪同飲品咁夾（因為每款飲品都跟同一種小食，應該就唔係太關注同飲品之間的味道配搭喇），不過，只係當係小食都唔錯既~~ Apple crumb cake幾好食，清淡又有少少香甜，而且賣相都幾靚。心太軟令我覺得好失望，基本上件蛋糕上檯後我哋已經馬上切，冇攤凍，但係一刀切落去，雖然係見到朱古力醬，但卻冇熔岩的效果，無論係視覺抑或味道上，都真係好失色。而心太軟的擺盤同apple crumb cake基本上係一
我聽唔同朋友提起Cohee，有啲話不過爾爾，亦有人話咖啡好得。而我終於有機會一試喇
一行三人，我哋嚟到時已經係1800，距閂門只有1個鐘。大家點咗3款唔同的飲品，而食物就有三文魚bagel、apple crumb cake同埋心太軟。
我自己飲的係Dirty，咖啡好香，原本應該係分明的兩個層次喺送到嚟時已有少少混合咗，但都幾好飲。凍朱古力我都試咗一啖，嗯，我覺得麻麻哋，太甜，而且朱古力味唔濃。幾款飲品都跟一小碟杏仁，不過我唔肯定係咪同飲品咁夾（因為每款飲品都跟同一種小食，應該就唔係太關注同飲品之間的味道配搭喇），不過，只係當係小食都唔錯既~~ Apple crumb cake幾好食，清淡又有少少香甜，而且賣相都幾靚。心太軟令我覺得好失望，基本上件蛋糕上檯後我哋已經馬上切，冇攤凍，但係一刀切落去，雖然係見到朱古力醬，但卻冇熔岩的效果，無論係視覺抑或味道上，都真係好失色。而心太軟的擺盤同apple crumb cake基本上係一模一樣，我覺得呢點就同杏仁搭咖啡一樣，只係統一化的presentation，冇乜特色，令人有少少失望。
其他食物同飲品因為係另外一個朋友點既，所以我就冇試到。
呢間咖啡店我覺得係可以一到，因為佢置身於一條小巷子的一邊，環境清幽，而店內亦瀰漫咖啡香，幾吸引。我覺得姑勿論食物、飲品如何，單單係環境，都令人感覺放鬆。不過，舖頭冷氣頗大，最好帶定件外套，而有時當我經過呢間café，亦會見到有唔少顧客，頗擠擁。所以，要嚟的話，可以揀喺收舖前，都係一個唔錯的timing。
张贴
