Wara Wara (已結業)

小巷中一間令人放鬆嘅cafe，今次試咗黑芝麻豆腐奶凍小山同埋黑芝麻Latte！兩樣嘢味道啱啱好，尤其係個黑芝麻豆腐奶凍小山，好有驚喜！兩層海棉蛋糕中間夾住豆腐奶凍，出邊再搽咗一層黑芝麻味嘅cream，一啲都唔膩，好好味，一個人食一個都唔會覺得好heavy！呢間cafe好似小巷中一個後花園，門外有個大盆栽，店內都有少少植物，聽店主講店內唔少木製品都係佢自己回收返嚟再加工！（掛住食唔記得影相＞＜）加上店入邊好放鬆嘅音樂，真係好relax！