咖啡譜

营业中

休息中

一間真心充滿人情味嘅咖啡店，老闆係一個對咖啡豆充滿熱情同專業嘅人，我好幸運係我南丫島之旅，可以認識到咖啡店老闆，同埋品嘗到佢嘅虹吸同手沖咖啡嘅手勢。如果你對咖啡係好有熱誠，同埋真正認識咖啡嘅人，你會發覺咖啡譜裏面嘅咖啡真係好高質素。我兩日裏面，試過Burundi Kayanza 嘅虹吸咖啡同埋Kenya AAA 嘅手沖咖啡,兩者咖啡香氣撲鼻，入口嘅時候係好順滑同埋舒服嘅感覺。Burundi 嘅茶感好出，感覺好香醇。Kenya 嘅黑棗同烏梅味好出，果味香濃。咖啡譜絕對係一個寶藏，咖啡豆好高品質，所以我買左包咖啡豆返屋企。我真心欣賞同佩服老闆對咖啡嘅專業同熱誠，佢毫無吝嗇咁分享佢炒豆同沖咖啡嘅心得，我知道我好快又會返去南丫島再去品嚐咖啡譜嘅咖啡。