味苑 (已結業)

流沙三小豬 大點幾特別，好可愛，入面蓮蓉唔會好甜，熱辣辣幾好食。蟹籽燒賣皇 精點蝦好大隻，豬肉都好新鮮，食落幾有口感，好想再叫多一籠再食。脆皮燒腩仔 $128/例牌真係好脆皮，而且肉同膏嘅比例幾好，唔會肥膏太多而唔想放落口口。蜜汁叉燒皇 + 清遠走地雞 配米粉叉燒好正，不過唔係半肥瘦叉燒，差咁啲，不過淨係瘦叉都咁好食，半肥瘦應該會更上一層樓。走地雞肉質好有口感，唔會好肥，好好味。紅棗糕好煙韌好有紅棗味，得三舊唔係好夠喉。Overall黎講，比一黎酒樓出色，不過價錢都貴小小，不過比貴小小食好小小都應該姐。