甜甜地 (已搬遷) 新店位置

幾日連假都唔知食乜好，去咗屯門出名多嘢食嘅虹橋搵嘢食，8點呢間甜品舖已經坐滿人，所以決定試吓好無味，好味就甜品當晚餐餐廳細細，所以唔少街坊都叫外賣，價錢就同其他街坊甜品鋪差唔多，係食左第一個甜品後就知道呢間有水準，所以加多左兩個甜品，兩個人食四個甜品會唔會太癲芒果牛奶布甸椰皇凍芒果香甜好香芒果味，中間白色既係牛奶布甸，香濃牛奶味，最底透明係椰皇凍，應該係椰青水整嘅果凍，口感有少少似大菜糕，幾清香，三樣野配埋一齊食係幾好味睇得出係心機野桃膠芋圓西米露西米露好足料，大約有8-10粒芋圓，7-8粒桃膠同大量西米，芋圓分別係地瓜同紫薯味，真係食到番薯同紫薯嘅味道，而個底就係椰汁底，好香椰味榴槤窩夫配雪糕窩夫份量多，都係新鮮製作，上臺都仲熱熱地，外皮又脆脆地，加上中間香濃榴槤肉同雪糕，令到窩夫味道層次昇華左朱古力心太軟配雪糕心太軟擺盤好靚，啱晒打卡個味道都好好，中間嘅朱古力漿唔會好甜，亦有濃濃既朱古力味道，食完唔會有膩既感覺，怕甜既朋友都可以試吓