老鍋台式火鍋 (京都廣場) (已結業)

天氣凍邊爐癮又發作，搵埋同事收工一齊去滾一滾先。去到啱啱好過咗九點半，Menu半價好抵食。先嗌咗碟炸臭豆腐食住先，即叫即炸熱辣辣，聞落唔會好臭，口感酥脆好好食。湯底揀咗尚膳養生鍋，飲落人參味好濃，湯料仲有百頁豆腐、冬菇、粟米等好多料。響鈴浸三秒就食得，吸咗湯底一齊食味道唔錯。安格斯雪花肥牛幾有牛味。黑白滑分別係蝦滑同墨魚滑，口感結實爽口彈牙。白玉毛瓜雙拼清新又健康。寬條粉雖然比較細條，但咬落爽滑幾好食。另外仲提供埋個篩方便分開烚好貼心。杭菊露味道清甜好啱清熱氣。冬瓜茶味道偏甜都唔錯。