川公所 (已結業)

牛頭角區又有間好食川菜，愛辣之人有口福喇。👅🐟烤魚🐟一定唔可以錯過喇，所以我哋就嗌咗重慶豆花烤江團魚。一整條魚係浸喺個爐度，保持住魚嘅熱度好正。材料非常豐富完全浸滿曬辣汁，下面一嚿嚿嘅豆腐已經完全融入咗喺辣汁當中，淨係食豆腐都覺得好正。魚嘅肉質都非常唔錯，加埋豆腐一齊食就一流。🦞麻辣小龍蝦🦞又係一道好出名嘅菜式。鮮紅色嘅小龍蝦真係好吸引，裏面啖啖肉亦都好鮮味，最神奇嘅係佢嘅肉都浸入到麻辣嘅味道。最後當然要食返啲菜啦所以都嗌咗🥦大盤花菜🥦。上面一點點嘅紅辣椒做點綴，而花菜係偏黃色嘅。每一個花菜都應該係用辣汁或者辣醬炒成，全部都好入味，融入曬一種麻辣嘅味道。