西貢越南湯河 (已結業)

好耐未試過訓到2點．．．都幾奢侈，過灣仔搵個地址，順便試下不理那死肥豬話唔錯的越菜。趕著食完後睇戲，就叫了香茅豬檬怕加兩粒牛丸，每粒四蚊，認真唔平；香茅豬檬用闊口湯碗載著出來，滲滿香茅、九層塔、蔥，當然一些不知名香料夾在其中，說到香料越南玩的花樣唔及印度仔，不過都有其一套風格，九層塔獨特的味道，感覺較清香，喜愛其香的話，這裡會是你那杯茶，否則行幾條街有清亭、燕萍，又或新強記、香河都唔錯。比較同區的越南菜，這裡的清而帶濃烈的香草味同時滲著香茅味，幾對胃口，豬扒煎香切粒上，醃得幾入味，可惜肉實，是雪藏料子，四蚊粒的牛丸，交來貨，普通得可以，檬粉貌似米線，與坊間的檬粉不同，軟滑易入口，有水準。埋單要$42，貴在兩粒牛丸，見剛從越南回來的同事影的生牛肉河，清清的湯底，灑點蔥及九層塔，簡潔得很，相信西貢比較接近越南的味道。